close
星期日參加了一個病人自助小組的冬季旅行,早上7點鐘就要出發往集合地點,大概8:30分就開車出發,首先去到南生圍一個名為敬輝農場~敬輝園內別有天. 綠水浮橋賞青蓮. 鴻雁南來頭上過. 白鷺悠閑湖畔邊.
首先來享受一碗新鮮即制豆腐花,之後再參觀農場~內有錦鯉及大塘蝨魚,跟隨沿著塘邊行,塘中央有一條浮木橋,但我就怕怕了,只見到地上種植了很多植物如菜心/芥蘭/白茄子/西蘭花等等,尚有大樹菠蘿及木瓜,池塘內之蓮花有雖然點殘弱,不過拍攝環境也不差啊!
第二個遊覽點就去了元朗洪水橋丹桂村223號之羊咩咩樂園~佔地15,000平方呎，園內養百幾隻羊咩咩，有白羊、黑羊、啡羊，仲有黑白混色羊及3隻印度藍孔雀,真係以為自己去咗外國牧場呢！
不過下車還要行成15-20分鐘,所以很多長者們都卻步不行了.
中午在流浮山之歡樂酒家吃飯,不過這店只一條樓梯上落,而且仲係好油滑,真係一步一驚心,仲要中途上去三樓時在我和老媽旁邊有位女士一滑腳成個人衝了下去,當時我真係好驚呀!希望她沒什麼事就好了!!!
飯後就係去位於錦田祠堂村的紅磚屋, 它是一個休閒市集: 花卉, 藝術, 品味, 購物, 美食, 休閒, 時尚民族服飾, 紅酒, 香薰蠟燭, 鋼琴套, 梳化套...集於一屋. 屋外圍都有幾個鄉村人在買農作物,而我在紅磚屋內都買了3個有機紅菜頭@15元,家姐就買了百香果@30元.
最後就係參觀一間做麵店,介紹它以前之制麵技術及宣傳而已,不過大家都有買番少少作手信.
到了下午約5點就回到早上集合之地方來解散.
全站熱搜
留言列表
My Daily (1)